Излегување на улица и организирање масовни протести, напуштање на парламент и слични потези што би ја радикализирале политичката состојба во земјата во моментов не се во планот за делување на ВМРО-ДПМНЕ.

Како што истакна претседателот на партијата, Христијан Мицкоски, таквите идеи и барања доаѓаат од народот кој е премногу разочаран од состојбата во земјата, но од партијата нема да ги применат затоа што такво нешто ќе има спротивен ефект и само ќе му даде алиби на Зоран Заев за неговите неиздржани обвинувања кон ВМРО-ДПМНЕ.

Мицкоски изрази став дека доколку неговата партија почне да влече радикализирани потези, најмногу ќе се израдува Зоран Заев, кој продолжи да го претставува ВМРО-ДПМНЕ како деструктивна, како што го правеше тоа во минатото, иако таквите тврдења во пракса се покажаа како невистинити.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.