Дејмон Меквилсон од Атлантскиот совет на САД најавува дека по признавањето на Украинската православна црква од страна на Вселенскиот патријарх Вартоломеј Први, следните две цркви кои ќе бидат признати како автокефални се македонската и црногорската црква.

Меквилсон ја даде најавата преку социјалните мрежи, два дена откако имаше заедничко обраќање со Никола Димитров во Атлантскиот совет.

Оваа организација се залага за одржување на силна американска надворешна политика низ светот и промовирање на американските интереси, и го промовира одвојувањето на земји како Украина од руската сфера на влијание. Атлантскиот совет исто така го поддржуваше преземањето на власта во Македонија од страна на СДСМ и потпишувањето на договорот за преименување на Македонија со цел земјата да биде внесена во НАТО.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.