Министерот за правда Бојан Маричиќ се обрати на „14 Конгрес на Обединетите нации за спречување на криминалот и кривична правда“, кој се одржува во Кјото, Јапонија.

Маричиќ во својот говор ги потенцираше реформите и мерките кои се преземаат во областа на правосудството, со посебен фокус на измените на Кривичниот законик, дигитализацијата на судството и проверката на работите на судиите која ја спроведува Судскиот Совет.

-Започневме со значаен проект, на кој работиме, а тоа е Кривичениот законик во кој ги интегрираме сите најнови меѓународни стандарди, директиви и други меѓународни инструменти во областа на борба против тероризмот, Истанбулска конвенција за родово базирано насилство, но и збир на одредби кои имаат за цел да ги заштитат правата на новинарите и медиумските работници, кажа министерот за правда Маричиќ

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.