Поранешниот кандидат за претседател на Европската комисија и еден од највлијателните политичари во ЕУ, Манфред Вебер, побара од Брисел уште на самитот во декември да одобри почеток на преговорите со Македонија.

Авторитетниот германски парламентарец ги повика за време на парламентарната расправа во Стразбур лидерите на националните влади на ЕУ да ја исправат грешката со недоделувањето на датум за преговори за Македонија и Албанија минатиот месец, а октомрискиот самит го нарече „трагедија“..

Недозволиво е, од една страна да течат преговорите со Турција, а од друга страна, на  Македонија да и се кажува дека не може да биде членка на ЕУ. Ова што го правиме е лудо“, рече Вебер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.