Овој ноември и декември се најнезагадените месеци во последните 10 години. За жал бидејќи е чувствителна темата се користат слики од други градови, од други години. Ректорат оваа година има само 46 денови кои ја надминале границата, исто така и со другите делови од Скопје, изјави заменик министерот за животна средина, Јани Макрадули.

Сакам да зборувам за овие податоци и за загадувањето, но да се базира на знаење и информации. Најлошо е кога се зборува без да се знаат основни работи. Не се сложувам дека се рушат рекорди во загадувањето и дека не се прави ништо за да се реши овој проблем. Сите оние заложби кои ги кажував за време на опозицијата, со уште поголема енергија сега го правам тоа. Тргнат е патот на решавање на проблемот со загадениот воздух кој долги години беше запоставен, рече Макрадули.

Заменик-министерот вели дека ја поддржува иницијативата на младите и дека со заедничка акција на Министерството и граѓанскиот сектор може да се дојде до решение.

Макрадули информираше дека главната цел и една од конкретните мерки против загадувањето е мазутот и нафтата за затоплување да се замени со електрична енергија.

Суштината на планот за чист воздух е да ги замениме тие штетни мазути, нафти со електрична енергија. Тоа е заеднички предлог на министерството за животна средина и граѓанскиот сектор.До сега тие што затоплуваат со мазут испуштаа 11 килограми ПМ 10 честички во воздухот, 20 градинки тоа повеќе нема да го прават, вели Макрадули.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.