СДУ – Македонски концепт во текот на вчерашниот ден поднесе тужба до Управниот суд на Република Македонија против решението на Државна изборна комисија да се дозволи увид и пребројување на гласачките ливчиња. Со тужбата се бара да се поништи решението на Државната изборна комисија УП1 10-86 од 20.07.2020 со што ќе му се дозволи на СДУ – Македонски концепт да изврши увид на вкупниот број гласови дадени на предвремените парламентарни избори и евидентирање на гласовите дадени за Македонски концепт.

Од Македонски концепт истакнуваат дека овие предвремени парламентарни избори се сè само не фер и транспарентни.

“Ние од Македонски концепт не ги прифаќаме изборните резултати и сметаме дека се неверодостојни и нелегитимни. Ова што го видовме како изборно сценарио на 15 јули е груб фалсификат и рушење на сите демократски принципи врз кои треба да се темели една слободна, фер и демократска држава. Македонски концепт за ова ја информира целата домашна и меѓународна јавност”, вели Петар Богојески, промоторот на Македонски концепт.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.