Според податоците од Светската здравствена организација и од државните здравствени власти на земјите од светот, Франс-прес објави дека Македонија е на петто место според бројот на починати од ковид-19. На прво место е Перу, следуваат Унгарија, Босна и Херцеговина и Чешка.

Меѓу најтешко погодените земји во светот, како што објави Франс-прес, е Македонија. Перу е земјата со најмногу починати во однос на бројоит на жители, со 577 починати на 100.000 жители, следува Унгарија со 310, Босна и Херцеговина со 310, Чешка со 283 и Македонија со 263 починати од коронавирусот на сто илјади жители.

Во светот починале вкупно 3.862.364 луѓе, а заразени се 178.125.020 лица. Агенцијата наведува дека бројките не може да бидат прецизни и да ја одразат реалната состојба, бидејќи од земја до земја се разликува бројот на тестирани лица и начинот на објавување на болните и починатите.

САД се држава со вкупно најмногу заразени и починати лица – 33.5388.037 лица биле позитивни на вирусот, а починале 601.741 лица. Следува Бразил со 500.800 починати i 17.883.750 случаи на заразани лица. потоа Индија со 386.713 починати и 29.881.965 заразени, Мексико со 231.151 починати и 2.475.705 заразени и Перу со 190.202 починати и 2.026.729 инфицирани од коронавирусот.

извор: МКД.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.