Бугарија веќе неколку дена има новоизбран премиер, за жал, една од првите вести во западниот печат ни соопштува дека ставот на Владата за прашањето на Македонија почнува драматично да се менува, вели бугарскиот европратеник Ангел Џамбаски, во рекацијата до новиот бугарски премиер Кирил Петков и најавите за нов пристап во односите со Македонија.

Можеби ова е дел од надворешниот притисок или насловите биле некако изменети. Но, премиерот Петков должи итно објаснување бидејќи бугарскиот став на темата Македонија не може да се смени. Тој почива на основниот факт дека Македонија е Бугарија, втора бугарска држава на Балканот, како што ние од мојата партија постојано изјавуваме, вели Џамбаски.

Бугарската позиција, продолжува Џамбаски, не може да биде променета поради притисок од некои западни партнери или од некоја конјунктура, па дури и од финансиите од европските фондови.

Ова не може и не треба да се случи. Премиерот Петков должи итно објаснување. Во спротивно, ќе мислиме дека подлегнува на притисокот на антибугарските сили и оти игра според нотите на странски агентури и странски земји кои се обидуваат да ја нарушат бугарската позиција за Македонија. Тоа е неприфатливо и недопустливо. Бугарија е над сè, но Македонија е дел од Бугарија. Да живее Бугарија! Македонија е Бугарија, се вели во пораката од евроамбасадорот Џамбаски до премиерот Петков.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.