Целата македонска јавност е згрозена од синоќешниот вандализам и поганење на македонскиот народен театар, рече на денешната прес-конференција претседателот на Комисијата за култура на ВМРО-ДПМНЕ, актерот Зоран Љутков, додавајќи дека ВМРО-ДПМНЕ најостро го осудува вандализмот и хулиганството од страна на група граѓани во МНТ.

Болно е за Заев и неговите соработници тоа што со секој изминат ден се повеќе се гледа нивната неспособност нешто да изградат, но недозволиво е заради тоа да сквернават се што некој друг пред нив изградил.

 

Снимката која излезе во јавноста, а од која се гледа како се оштетува имотот на МНТ е срамна и доказ дека со оваа власт е пробиено дното, порача Љутков.

Тој нагласи дека МНТ е институција за одржување на театарски претстави и културни собири, а не сцена за дивеење на навивачки групи.

Директорот на МНТ мора да одговори како можел да дозволи изнајмување на театарот на навивачка група, и по кој основ е издаден театарот, колку е платено за неговото издавање и руинирање, и дали воопшто е платено? Како може да се издава театарот само со јавување на телефон, па нели има правилник и процедура за тоа, и на крај кој ќе сноси одговорност и кој ќе ја плати штетата? И зошто никој од обезбедувањето не реагира кога поединци почнаа да дивеат и да се качуваат по седиштата. До каде оди лудилото на оваа власт!?, прашува Љутков.

Љутков нагласи дека одговорност мора да има и од заменик министерот за култура, министерот за култура, националниот координатор за култура, како и советниците за култура на Зоран Заев, додавајќи дека со овие луѓе на чело, културата одамна е пропадната.

На местото каде во петокот вечерта се дивееше големите имиња на македонскиот театар поминуваат часови, денови и месеци во проби и претстави. Творат и работат. Ова е потценување и понижување и на нивниот труд.

 

МВР мора најбрзо да ги пронајде сторителите на вандалскиот чин и да ги казни согласно законот. Сè друго ќе биде само потврда дека овој вандалски чин е свесно организиран.

 

И за едно сте во право господине премиер, манифестацијата и не била баш културна, порача Љутков.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.