Шекеринска и Пендаровски не се охрабруваат да кажат кој и зошто ги прекршил процедурите при испраќање претставници во НАТО, рече денеска полковникот Драган Ковачки од Извршниот комитет на ВМРО-ДПМНЕ.

Ден четврти. Министерот за одбрана и ретседателот Пендаровски сè уште не се охрабруваат да излезат пред македонската јавност и да кажат кој и зошто ги прекршил процедурите при испраќање на нашите претставници во НАТО. Наместо тоа, како портпароли излегуваат истрошени и безбедносно неодговорни лица кои не ја познаваат законската регулатива и за жал, во јавност изнесуваат класифицирани, строго доверливи информации од класифицирани постапки, вели Ковачки.

Тој потенцира дека со овој ноншалантен однос кон класифицираните информации, само се потврдува тезата дека интересот на партијата им е над сè и дека законите за нив не важат.

Овој однос е неприфатлив за земја членка на НАТО и земја претендент за ЕУ!

Повторно го прашуваме министерот за одбрана: Каде Ви е прекршена процедурата, Ви кажа ли некој дека е можно да има безбедносна пречка пред да го објавите името на кандидатот во јавност или не?

Ако ви кажал, зошто продолживте со процедурата и му направивте штета на човекот со тоа што го извадивте неговото име во јавност и зошто го нарушивте угледот на министерството и на државата?

Чувствувате ли одговорност?

За крај кратко и јасно, лицата кои се одбиени се со потпис на Шекеринска и Пендаровски. Да не се обидуваат да ја разводнуваат темата, и да понесат одговорност.

Јавноста чека одговори, одважете се и одговорете на конкретните прашања. Сепак, плата земате од јавноста, или можеби заборавивте? Оставка!, побара Ковачки.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.