Местото на јавниот обвинител нe e да учествува во политичките разговори за носењето на Законот за ЈО, смета државниот обвинител Љубомир Јовески.

Доколку се отвори стручна расправа по предлог Законот за јавното обвинителство, ако бидам повикан ќе учествувам во расправата и ќе го искажам своето стручно мисљење изградено во текот на моето работење во судството и обвинителството. Во делот за политички разговори во постапката за донесување на Законот, на јавниот обвинител на Република Македонија не му е местото да учествува во вакви расправи – изјавил Јовески за Телма.

Претходно министерката Десковска го отфрли како неприфатливо барањето на ВМРО-ДПМНЕ на средбите да учествува и јавниот обвинител. Таа рече дека Јовески ќе биде поканет само на јавната расправа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.