Денес нема да чуете изјава или повик од СДСМ со кој не повикуваат да поддржиме автентично толкување на член од Законот за амнестија, кое самите вчера не го подржаа, посочи денеска претседателот на ВМРО-ДПМНЕ Христијан Мицкоски.

Тој вели дека нема да го чуеме тоа, зошто сами пропаднаа во сопствената стапица и маските паднаа. Како и за сè во својата кариера, Заев и овој пат се коцкаше лошо. Се коцкаше со темата амнестија и изгуби. Излезе на чистина кој за што се бори, и тоа дека главниот корисник на амнестијата во оваа држава е првиот човек на владата. Но полошо од самото ова е тоа што вакви луѓе ни ја водат државата и одлучуваат за судбините на сите.

 

И во оваа прилика, бидејќи повеќе СДСМ нема за што да повикува, сепак да прашам зошто Заев не прифаќа забрана за амнестија за политичари, амнестирани политичари да не се занимаваат со политика, и дали и овој пат планира да се крие преку пратенички иминутет, со имот чие потекло не сака да се испита? Ќе напоменам дека прашањата стануваат реторични, затоа што одговорите веќе ги знаете сите, посочи Мицкоски.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.