Вицепремиерот, Артан Груби по средбата во Центарот за јавно здравје во Тетово рече дека извршната власт побарала од Обвинителството што е можно поскоро да ја заврши истрагата за пожарот што синоќа го зафати ковид центарот во Тетово.

„Ние инсистиравме во комуникацијата со јавниот обвинител и сите обвинители на случајот оваа истрага да биде завршена што е можно поскоро, но и да стане што е можно потемелна и длабока, за да не оставиме неоткриена честичка за оваа трагедија“, рече Груби.

На прашањето за вклученоста на меѓународните експерти во истрагата за случајот, Груби рече дека истите се очекува да пристигнат во земјата во рок од два-три дена.

„Денес испративме барање, имаше контакти со амбасадорите на земјите, особено со амбасадорот на Германија, но и со властите на НАТО, но и на САД. Прашање на денови е, зборуваме за два -три дена, каде што можат да дојдат и да ги испитаат доказите што ги има Полицијата, Обвинителството и Форензичарите од местото на настанот“, додаде Груби.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.