Ништо ново не донесе долгоочекуваната средба меѓу Димитар Ковачевски и Кирил Петков. Говорите на двајцата премиери минаа во меѓусебни пофалби и охрабрувања без никаква суштина. Единатвено што остана забележно е што Бугарија се согласила за употребата на краткото име Македонија кое досега го избегнуваше.

Петков не одговори на неколку клучни прашања:

Дали се прифатливи одговорите на Македонија на 5 +1 прашањата од патната карта.

Избегна да каже како се вика народот и државата во која е дојден.

Петков инсистираше на формулацијата за јазикот во договорот за добрососедство но повторно не спомна македонски јазик.

На денешната прес конференција беа дозволени само за две новинарски прашања од домашните медиуми. На новинарите на Република и на Пресинг Тв не им беше дозволено да постават прашање.

Сакавме да прашаме дали како реципроцитет ќе ги внесе Македонците во бугарскиот устав и ќе ги почитува пресудите од Стразбур.

И второто прашање, што подразбира Бугарија под системска дебугаризација и дали Македонците се геноциден народ?
Формулацијата системска дебугаризација ја спомена претседателот Пендаровски оквалификувајќи го како сериозно обвинување што во суштина , парафразирано, дека Македонците извршиле геноцид по Втората светска војна. Истата формулација беше и еден од заклучоците на бугарскиот Совет за национална безбедност.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.