Меѓународниот секретар на ВМРО-ДПМНЕ, Владимир Ѓорчев, учествуваше на парламентарниот форум за безбедност во Вашингтон. Главните теми на форумот се безбедноста, одбраната, НАТО сојузништвото, борбата против тероризмот, сајбер заштитата итн.

На форумот се обратија повеќе сенатори и конгресмени од САД, како и голем број на тематски експерти. Домаќин е поранешниот конгресмен Роберт Питинџер, а на конференцијата учествуваа повеќе од 100 пратеници од светот.

Ѓорчев се сретна со конгресмените Роберт Адерхолт и Френч Хил. Ѓорчев се заблагодари на конгресмените за нивниот придонес кон македонско – американските односи, додавајќи дека Македонија и САД се посветени да ја развиваат соработката меѓу двете држави.

На средбите е истакнато и дека продолжува сојузништвото во рамките на НАТО, како и одличните билатерални односи меѓу Македонија и САД.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.