Министерот за правда Бојан Маричиќ вчера преку „Фејсбук“ побара одговорност од судиите кои го пуштиле од притвор Сашо Мијалков, во случај тој да побегне. Ова за новинарот Бранко Героски е неразбирање на системот на поделба на власта и вршење на притисок врз правосудните органи, и тоа јавно.

Судиите што ја донеле оваа одлука, како и сите други судии што носат било какви одлуки, не се обврзани ништо да им објаснуваат ниту на Маричиќ, а ни на јавноста. Тие треба да носат одлуки според законот и според сопствената совест, а нивната работа ја оценува Судскиот совет. Не министерот!
Маричиќ си дозволува да врши притисок врз правосудните органи од позицијата министер за правда. И тоа со објави на Фејсбук, што е скандалозно само по себе. Овој човек не го разбира системот на поделба на власта. А ако тоа не го разбира (или не сака да го разбере), навистина не е јасно како воопшто може да биде министер, вели Героски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.