Во изминатите две години, со конкретни мерки и политики во здравството покажавме што значи вистинска грижа за пациентите, за здравствените работници, за подобрување на условите во јавните здравствени установи и достапни лекови во кој било ден од месецот – посочи министерот за здравство, Венко Филипче, говорејќи во својство на претседател на Комисијата за здравство на СДСМ.

Според него, претходната власт предводена од ВМРО-ДПМНЕ за 11 години го колабирала здравствениот систем, а медицинскиот пресонал бил понижуван.

Ние се грижиме за граѓаните, со посветеност успеавме да обезбедиме, од први октомври, граѓаните да ги имаат потребните лекови во кој било ден од месецот. Со укинувањето на квотите за лекови на рецепт го решаваме деценискиот проблем со недостигот на лекови, во интерес на нашите граѓани лековите се препишуваат порационално, контролата е поголема, нема повеќе паника, гужва, чекање – рече Филипче.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.