Велимир Џаровски Џаро важи за жива легенда во македонската јавност, иако е во поодминати години Џаро изгледа не мирува.

Сега за српските медиуми Џаро откри дека и понатаму мести натпревари, а последниот го наместил пред само две недели и од него заработил 13.000 евра. Натпреварот бил дел од Мундијалот во ракомет до 19 години кои се играше во Скопје.

„Зошто ви е чудно тоа што местам натпревари? Па, тоа е моја работа, моја професија исто како и вие што си ја работите вашата, јас си ја работам мојата. Во минатото заработував повеќе, а сега нешто помалку. Пред две недели добив 13.000 евра затоа што не ми беше дозволено да уплатам поголем износ. Стануваше збор за ракометен натпревар од Мундијалот во Скопје до 19 години. Полесно се мести во спортовите кои не привлекуваат толку внимание, не се крева голема прашина“, изјави Џаро.

Преземено од Таратур

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.