Дождот што го зафати центарот на Скопје не ги откажа денешните блокади на ВМРО-ДПМНЕ на раскрсниците кај градската болница „Св. Наум Охридски“, кај зградата на НИП „Нова Македонија“ и кај Трговскиот центар „Мавровка“.

Исто како и вчера, опозициската партија и денеска, во периодот од 15 до 17 часот, со автомобили блокира три од најфреквентните крстосници во главниот град, а протестот е под мото „Доста е, излези за Македонија“. Блокадите, како што велат, се против новиот обид за продажба на националните и државните интереси од страна на Зоран Заев и Владо Бучковски.

Освен во Скопје, партијата организира блокади во уште девет града: Штип, Велес, Кочани, Прилеп, Струмица, Кавадарци, Охрид, Битола и Кичево.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.