Министерот за надворешни работи Никола Димитров реагира на изјавата на потпретседателот на ВМРО-ДПМНЕ Александар Николоски дека никој од власта не бил поканет на Економскиот форум во Давос, сега откако го сменија името на државата.

Нема поголема гротеска и дрскост кога овие од злосторничкото здружение клеветат за меѓународна изолација. Читам и не ми се верува“, напиша министерот за надворешни работи, Никола Димитров на својот Фејсбук профил. Тој реагира на коментарот на Александар Николовски дека годинава немало никој од власта во Давос, на Светскиот економски форум.

Напиша и излажа. На покана на претседателот на оваа организација Бренде, не само што учествував на Светскиот економски форум, туку како единствен МНР од нашиот регион бев и говорник на специјалната сесија за Балканот, заедно со премиерите на Хрватска, Бугарија, Словенија, претседателите на Србија и на Косово и МНР на Турција и на Шведска. Објавивме и официјално соопштение и фотографии.

Димитров не е директно повикан во забелешката на Николоски, која се однесува главно на Зоран Заев, корумпиран политичар со кого никој од ЕУ не сака да си има работа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.