Во вечерашното гостување на дневникот на телевизија Сител, актуелниот градоначалник на Куманово, Максим Димитриевски беше запрашан какви ќе бидат според него последиците, доколку Владата одлучи да го прифати францускиот предлог и земајќи предвид дека и според претседателот на државата предлогот е прифатлив.

Димитриевски заклучил дека по одржаната прес конференција на претседателот Стево Пендаровски и изјавите што ги дал за медиумите, одговорите се усогласени со ставовите на Владата.

„Повеќе од јасно е дека постои взаемен договор подолг временски период, бидејќи претседателот и членовите на Владата играат добар и лош полицаец. Пред 7 дена, Пендаровски испрати молскавични, популистички пораки кон премиерот, за денеска да бидат целосно усогласени. Но, ќе им се случи народот, власта ќе биде на стаклени нозе и неодржлива и ќе падне. Ќе се смени, ќе дојде нова политичка елита која што ќе продолжи да ја води државата“ истакна градоначалникот на Куманово.

Во однос на прашањето за македонскиот јазик, Димитриевски беше дециден.

„Сите велат дека гарантиран е јазик во Европската Унија, тоа го потврдија денеска и премиерот и претседателот, а тоа е поглавје број 34 и тогаш за отвора прашањето за јазикот и кога ќе се затвори поглавјето 34, дури тогаш, во тој момент, Европаската Унија го гарантира јазикот“ – посочи тој.

Градоначалникот, исто така порача дека треба многу помалку да манипулираме и да бидеме поискрени и поотворени со граѓаните.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.