Државната изборна комисија (ДИК) попладнево во 14 часот ќе одржи седница на која треба да го заклучи Избирачкиот список.

ДИК до денеска требаше да ги изврши сите промени кои произлегоа од јавниот увид во Избирачкиот список што траеше од 23 февруари до 14 март 2019 година.

Во тој период увид извршиле 53.972.000 граѓани. За 517 лица беше донесено решение за запишување во Избирачкиот список, за 412 е донесено решение за бришење, а промена на податоците е направена за 129 граѓани.

Заклучениот Избирачки список, односно изводите од списокот на кој се гласа, ДИК треба да ги потпише 15 дена пред денот на изборите, односно најдоцна до 5 април.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.