Во Куманово денеска е ден на жалост по повод трагичниот настан во Романовце во кој по експлозија на плинска боца загинаа три деца, а подоцна на повредите им подлегна и 58-годишен маж.

Вкупно беа повредени седуммина кои поради сериозноста на повредите се лекуваат на скопските клиники, а дел од нив се во тешка здравствена состојба.

Знамињата се спуштени на половина копје, а одложени се културните, спортските и забавните манифестации.

Одлуката за прогласувањето на 25 февруари за Ден на жалост вчера едногласно ја донесоа советниците на вонредна седница на Советот на општина Куманово.

Градоначалникот Максим Димитриевски и Советот на општината најавија институционална и вонинституционална поддршка за семејствата Алими и Сакипи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.