Дали Заев го зациментира македонскиот идентитет и јазик со прифаќање на бугарското кукавичко јајце?, прашуваат во отвореното писмо од Македонски манифест.

Имајки ја предвид нашата политика на коленичење и прифаќање на сѐ што од нас ќе се побара, збунувачки се острите критики кон Бугарија и отфрлање на бугарските максималистички барања со кои се негира македонскиот идентитет и јазик… Но уште повеќе збунуваат изливите на оптимизам со кои Заев не убедува дака сме пред постигнување договор со Бугарија. Верувале или не, човекот „се гордее со тоа што Бугарите го признале македонскиот идентитет и јазик“, пишуваат од Македонски манифест.

За нив ова е несериозно и само една од бројните лаги што ги изговори овој човек.

Дилемата е кој отстапил од своите цврсти позиции? Бугарите или ние? Бугарите сигурно НЕ, затоа што Декларацијата на Бугарскиот Парламент не им го дозволува тоа. Се чини и овој пат отстапил Заев, затоа што ние немаме утврдени црвени линии. Дали ова значи дека Заев го прифатил бугарското кукавичко јајце понудено од Захариева, според која Бугарија треба да ја прифати новата реалност, новиот македонски идентитет настанат по 1944 год, а Македонија за возврат да ја прифати историската вистина дека до 1944 год сме биле еден народ-Бугари. ШОКАНТНО!?!? И да е од Заев премногу е. И волкот сит и овците на број, пишува во отвореното писмо.

Според нив, за Бугарите ние и понатаму ќе си останеме таканаречен народ и измислена нација, а за Заев ова ќе значи признавање на македонскиот идентитет и јазик.

Зарем со ова треба да се гордее македонскиот народ??? Човеков не сфаќа дека ако ова се прифати стануваме дрво без корен. Античката историја до VII век им ја оставаме на Грците. Срeдноvековната до 1944 година им ја препуштаме на Бугарите. А за нас Македонците? Заев ни го остава новиот, таканаречен македонски идентитет, измислица на Тито и КОМИНТЕРНАТА. Јавно прашуваме: ДАЛИ Е ОВА КОМПРОМИСОТ ШТО МУ ВЛЕВА ОПТИМИЗАМ НА ЗАЕВ? ЗАТОА ЛИ КРИЕ ЗА ШТО РАЗГОВАРА И ШТО СЕ ДОГОВОРИЛ? ПОВТОРНО ЛИ ЌЕ НЕ СТАВИ ПРЕД СВРШЕН ЧИН, КАКО ПРИ ПРОМЕНА НА ИМЕТО? Простете, но со вакво нешто можат да се гордеат само луѓе со заматен ум. Но ова не е сѐ. Некој се сетил да го избрише АСНОМ. Со тоа си оставил простор подоцна да се оспори и новата реалност, (новата македонска нација) која ни се нуди, а историјата да ни почнува од 17.06. 2018 год. Со сето ова дефинитивно ќе биде погребан македонизмот. Ние Македонците ќе се трансформираме во една аморфна маса, а Македонија ничија и сечија земја, подготвена за парчење, исто онака како во предвечерјето на балканските војни. Тоа ќе биде вовед во нови пресметки, многу по крвави, затоа што на трите ќе им се приклучи и четвртата хиена. Сепак „Македонски манифест“ верува дека вакво нешто нема да се случи.

Ваква глупост и понижување Македонскиот народ нема никогаш да прифати, го завршуваат отвореното писмо Македонски манифест.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.