Нема информации кога ќе почне скринингот на 8200 ученици во основните и средните училишта, што од Министерството за здравство беше најавен за почетокот на оваа недела. Преку регистарот во Е-дневник по случаен избор тие треба да бидат тестирани на КОВИД=19, со согласност од нивните родители, за да се се добијат податоци дали има пренесување на вирусот во училиштата.

Министерката за образование и наука Мила Царовска и денеска изјави дека е во постојана координација со Министетстѕвото за здравство и ќе бидат навреме соопштение детали за скринингот.

МОН е во координација со Министерството за здравство кое е надлежно за координација на овој процес. Во моментот кога институциите ќе имаат нови информации, јавноста ќе биде навремено известена, рече Царовска одговарајќи на новинарски прашања по отворањето на регионалната конференција „Училиштата се среќаваат со компаниите“.

На прашање дали има сознанија за фотографии што се објавени на социјалните мрежи за фрлени големо количество учебници и наставни материјали, министерката упати информации да се побараат кај институцијата или училиштето за коишто има сомнежи или сознанија дека тоа се случува, додавајќи и дека социјалните мрежи се често извор на лажни вести.

Министерството за образование и наука нема надлежност да разговара ниту да ја следи состојбата на отпис на материјали кои се во училиштата. Тие се во надлежност на општините. Никој не пријавил дека има потреба од расходување на поголема количина на учебници и книги. Ве упатувам ако имате сознанија за институција што го прави тоа, да се обратите и да прашате за што станува збор. Социјалните мрежи се често извор на лажни вести кои не му одговараат на никого. Очекувам и медиумите да се вклучат во борба со лажните вести кои имаат голем замав, додаде Царовска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.