Министерката за боразование и наука, Мила Царовска, во вечерашното гостување во „360 степени“ зборуваше и за реакциите за учебникот по македонски јазик за четврто одделение за кој имаше забелешки дека несоодветно го третира семејството.

Царовска кажа дека авторката на учебникот и рецензентите ќе ги разгледаат забелешките и ќе донесат одлука дали тој ќе се промени.

Добив информација дека авторката и рецензентите заендички ќе ги преразгледаат забелешките согласно реакциите на јавноста, иако тие во прв наврат посочуваат дека тоа се реални ситуации од животот кај некои семејства и дека децата треба да имаат увид и во такви ситуации. Рецензентите, Бирото за развој на образованието и авторката заеднички ќе утврдат што од тој текст ќе остане или нема да остане, рече Царовска.

Таа додаде дека како министерство ги следат сите забелешки и реакции и постапуваат по истите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.