Бугарскиот амбасадор, Ангел Ангелов беше во посета на Штип каде со градоначалникот, Иван Јорданов разговарале за проектот кој го реализира бугарската амбасада во градинката „Астибо“, но и за кампањата „Стоп на насилството“, кој го реализира сопругата на амбасадорот, Билјана Ангелова.

Централната манифестација е на 12 декември во Скопје, но сите градови и општини во Република Македонија се поканети да учествуваат, тука е и градоначалникот на Општина Штип, кој ќе се вклучи во таа манифестација, иницијатива, а е под медиумско покровителство на агенциите МИА и БТА – изјави Ангелов.

Тој појасни дека во градинката „Астибо“ ќе го изградат детскиот плоштад со урбана опрема за децата, а целиот проект чини 35.000 евра.

Градоначалникот на Општина Штип, Иван Јорданов изјави дека со амбасадорот Ангелов разговарале и за нови проекти, кои би можеле да се реализираат преку фондовите на ЕУ, односно преку Програмата за меѓугранична соработка меѓу двете земји, еден од презентираните проекти е и реставрација на старите автентични куќи во населбите Ново Село, Стар Конак и Исар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.