Откако во последните 24 часа во Македонија беа регистрирани 572 нови случаи на Ковид-19 и 30 починати пациенти, вкупната бројка на Ковид-дијагностицирани лица во земјава од почетокот на епидемијата изнесува 184.277, на починати 6.307, а бројот на активни случаи изнесува 12.893.

Поради лошата состојба со епидемијата Владата одлучи наместо до 14 септември, средношколците во Тетово и Гостивар да следат онлајн настава до 20 септември.

Според последните податоци на министерството за здравство, на вакциналните пунктови во државата и на терен вакцинирани се вкупно 761.579 граѓани. Прва доза вакцина завчера примиле 2.728 граѓани, а вкупно се вакцинирале 15.424.

Со последните бројки, 54 отсто од населението над 40 години имаат примено една доза вакцина и 30 отсто од населението над 18 до 39 години е вакцинирано со една доза.

Граѓаните без закажан термин се вакцинираат, во постоечките вакцинални пунктовите низ државата.

Децата од 12 до 18 годишна возраст се вакцинираат со согласност од родител.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.