Сè уште не се завршени истрагите за првиот бран на непотизам од пред една година од страна на Антикорупциската комисија, а сега веќе имаме нови бранови на непотизам буквално во сите градови во Република Македонија, oбвини днееска портпаролот на ВМРО-ДПМНЕ Димче Арсовски, откривајќи нови вработувања, нови прераспределувања и нови унапредувања на блиски роднини и луѓе на функционерите од СДСМ на раководни позиции.

Арсовски додаде дека свесни за падот на владата кој ги чека, функционерите на СДСМ побрзаа повторно да си ги згрижат и унапредат своите блиски.

Арсовски го посочи Штип, кој според него, сега станува град за пример на непотизам, каде што за да се вработиш или да добиеш раководна функција мора да си брат братучед или роднина на некој функционер.

Откри дека вработени и унапредени се првата братучетка и зетот на Шекеринска, потоа сестрата на директорот на штипскиот затвор, како и ќерките на поранешниот пратеник Рамбабов.

Штип стана дувло на непотизам каде што владеат 5 семејства со целиот град.

 

Мики Тодоров, поранешен втор човек во СДСМ Штип, инаку секретар на општинската организација е поставен за директор на затворот во Штип без соодветно образование и спротивно на закон и без ниту еден ден работно искуство. Не бележи некои успеси во работењето, дури имаше и бунт во затворот од страна на затворениците, но бележи успеси во вработувањето своите роднини. Истиот Мики Тодоров си ја вработил сестра му како библиотекарка во ООУ „Тошо Арсов“.

 

Втор пример, ќерката на екс пратеникот од СДСМ Рамбабов, Емилија Рамбабова е назначена за нов директор на медицинското училиште во Штип, додека пак сестра ѝ на Емилија, односно втората ќерка на поранешниот пратеник Рамбабов е назначена за нова директорка на Клиниката за нефрологија во државната болница во Скопје.

 

Трет пример, нормално покуса не останала ниту Радмила Шекеринска, каде што имаме пример нејзината прва братучетка Дијана Шишкова е именувана за началник на инфективно одделение во Клиничка Болница Штип, а нејзиниот сопруг, односно зетот на Шекеринска е назначен за раководител на одделението за ортопедија, објави Арсовски.

Арсовски потенцираше дека пва се само дел од примерите на непотизам, со кои СДСМ јасно покажуваат дека се уплашени од претстојните избори.

Свесни дека ќе паднат од власт, ја окупираат државната и јавната администрација со нивни блиски роднини, вршејќи непотизам од највисоки размери. Оваа епидемија на непотизам која со тек на време, изминатата година прерасна во чума низ целата држава мора да прекине. Се ближи 12-ти април, и веднаш потоа почнува обновата на Македонија. Одговорност за сè, мора да има и ќе има, порача Арсовски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.