Бранејќи ја законитоста Уставниот суд всушност создаде конфузија и револт кај најголемиот дел од населението, велат од Социјалистичката партија на Македонија.

При огромен број протести, штрајкови и незадоволства заради ниските плати донесе одлука која ја подгрева и онака запалената атмосфера. Тој не одлучи мериторно да не биде против работниците и го поттикна незадоволството во јавноста. Уставните судии, како партиски војници одработувајќи за потребите на нивните политички ментори од власта, а тргнувајќи и од сопствениот интерес, укинаа два става од Законот за плати што е во полза и на нивните повисоки плати. Тие одлучуваа како заинтересирана странка.

Дали е ова етички или е спротивно на уставните начела е прашање на кое одговор треба да дадат самите.

Доколку беа свесни за последиците од нивната одлука тие ќе се изземеа од нејзиното донесување.

Сега самите како да бараат ветинг и тоа што поскоро, велат од СПМ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.