Првоосомничениот за случајот Рекет, Бојан Јовановски, во понеделник е повикан на распит во обвинителството за гонење организиран криминал и корупција, дознава Сител.

Прв пат Боки 13 ќе одговара на прашања од Обвинителката Вилма Русковска откако му беше определен притворот.

Веќе наредниот ден, во вторник, на распит во обвинителството е повикана и Катица Јанева.

Таа по втор пат ќе се соочи со Обвинителката Вилма Русковска. Претходно беше повикана во својство на лице од кое се бараат потребни известувања, по што веќе следниот ден беше уапсена.

Инаку за случајот Рекет до сега сведочеа 11 лица. Свој исказ имаше и второобвинетиот Зоран Милевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.