Сега приведениот Бојан Јовановски – Боки 13 во 2018 година барал од општина Охрид три милиони денари, или околу 50 илјади евра, за услуги кои сакале да ги дадат на градот Охрид во 2019 година, пишува Скопје1 мк. Ваквиот договор никогаш не се реализирал и не дошло до исплата, а најмногу кон тоа Охрид да се спаси од ова придонело тоа што во градот се одржаа предвремени избори за избор на нов градоначалник.

По изборите обидите да се постигне договор со општината продолжиле, но Константин Георгиевски категорично го одбил барањето на Бојан Јованоски, на кого овој пат директно му било кажано дека нема законска можност за такви милионски исплати за измислени проекти.

Во 2018 година на 1ТВ од касата на општината и биле исплатени 1.200.000 денари.

Останува отворено прашањето под чиј притисок општината исплатила пари на телевизијата на Боки 13 во 2018 година? Неофицијално ургенциите доаѓале од страна на високо позиционирани функционери во СДСМ, кои по изборите во 2019 година прекинале да ургираат кај ново избраниот градоначалник Георгиевски. Бидејќи најпрво беше најавена партиската „метла“, додека во колумните на Бранко Героски лицето кое барало пари за Боки се именува како „Кики“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.