На списокот на македонското МВР на лица на кои денеска не би им бил дозволен влез во земјава се 14 бугарски државјани, јавува Бугарската национална телевизија. Во објавата на БНТ нема имиња.

Претходно, во изјава за агенцијата БТА, бугарскиот министер за внатрешни работи Иван Демерџиев обзнани дека има листа со бугарски државјани на кои нема да им биде дозволен влез, но рече дека таа листа не е голема.

Демерџиев: Околу 100 до 150 бугарски државјани се очекува да пристигнат во Скопје за одбележувањето на раѓањето на Гоце Делчев

Бугарската агенција Беспартиен.бг на својот фејсбук профил објави дека добиле забрана за влез во Македонија. Тие во прилог на информацијата објавија и документ издаден од македонското Министерство за внатрешни работи.

На граничниот премин „Деве Баир“, пак, каде падна системот за контрола и во моментот се работи на негово оспособување, беше тензично. Македонската полиција и Македонија беа пцуени и навредувани од групата предводена од претседателот на бугарската фонцдација „Македонија“ Виктор Стојанов, кој објави видео од инцидентот.

„Си го продадовте името за 5 стотинки“: Тензично е на граница откако паднаа системите, Стојанов се кара со полицијата



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.