Градоначалникот на Битола Тони Коњановски ги посети сместувачките капацитети за бездомни лица во надлежност на општинската организација на Црвен крст во Битола.

За време на посетата, Коњановски додели подароци од прехранбени продукти и пакетчиња за најмладите, а во непосредна средба со нив се информираше за состојбата на лицата од социјално загрозени семејства и нивните потреби.

Убавината и вербата која ја носат големите христијански празници Бадник и Божик стануваат уште поголеми кога празнувањето е исполнето со споделување и затоа донесуваме радост и кај бездомните лица, рече меѓудругото Коњановски за време на посетата на бездомни лица во Битола.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.