Заменикот на претседателот на Владата, задолжен за економски прашања, координација на економските ресори и инвестиции, Фатмир Битиќи денеска оствари средба со трговскиот пратеник за Западен Балкан на премиерот Борис Џонсон, господинот Мартин Викерс.

На средбата разговара за повеќе теми кои се од обостран економски интерес на двете пријателски земји, пришто е констатирано дека Обединетото Кралство е вториот најголем економски партнер на нашата земја.

 Викерс ја потврди поддршката на Обединетото Кралство во нашите евро-интегративни процеси, но и поддршката во остварување на зелената агенда на Република Македонија, посебно преку инвестициите во обновливите извори за енергија и управувањето со отпадот.

Вицепремиерот Битиќи му се заблагодари и за поддршката која нашата земја ја има од Обединетото Кралство во првата фаза од подготовката на Националната Развојна Стратегија 2021 – 2041.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.