Арсовски: Обвинението за 27 април е од политички – мотивирачки цели за да се оцрни одредена политичка структура од опозицијата,

Македонија 11.01.2020 / 14:49

Нашиот став во однос на случувањата за 27-ми април е ист и непроменет, тоа е дека се работи за обвинение кое што е од политички – мотивирачки цели се со цел да се оцрни одредена политичка структура од опозицијата, ова беше одговорот на портпаролот на ВМРО-ДПМНЕ Димче Арсовски на новинарското прашање „Како го коментирате обвинението за 27-ми април бидејќи СДСМ велат дека со ова се докажало дека ВМРО-ДПМНЕ биле организатори на тој настан.

Не е прва ситуација и не е прва прилика СДСМ да е таа која што обвинува и осудува за било кој случај. Нашиот став во однос на случувањата за 27-ми април е ист и непроменет, тоа е дека се работи за обвинение кое што е од политички – мотивирачки цели се со цел да се оцрни одредена политичка структура од опозицијата, кажа тој.

Во однос на прашањето кое се однесуваше на возилата кои се во сопственост на МВР, а за кои министерот за внатрешни работи Наќе Чулев побара да бидат вратени Арсовски истакна дека тие возила треба да ги користи МВР, а во моментов се користени за лични цели и интереси после работното време.

Од она кое што го имаме како сознание, тие возила треба да ги користи МВР, а во моментов се користеле за лични цели на поединци односно за лични интереси и истите биле возени за приватни цели односно возени во своите домови после работното време. Затоа е побарано од страна на министерот да се вратат работите во нормала, согласно законите и прописите и да бидат повторно во функција на МВР кое што откога се задолжени од страна на трети лица тие коли, па МВР останало без возила, истакна Арсовски.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.


Comments are closed for this post.