Заев е веќе на буништето на историјата – порача лидерт на Левица, Димитар Апасиев, кој вечерва на полноќ се обрати на прес-конференција од партиското седиште. Тој рече дека се задоволни од резултатите кои ги постигнале со своите кандидати на овие локални избори, потенцирајќи дека кандидатите на Левица речиси секаде се на трето место и иако не одат во вториот круг, влегуваат во советите.

Левица во Советот на Град Скопје влегува со најмалку пет советници, а во целата држава ќе има 50 до 60 советници. Притоа, нагласувам дека Левица учествуваше со свои листи во 38 општини, а не во сите општини, нагласи Апасиев.

Прашан од новинарите дали ќе поддржат кандидати на други партии во втриот круг, тој рече дека не верува во коалицирање, но сепак посочи дека одлуките ќе ги носи партискиот Президиум.

Како и да е, евидентно е проопозициското расположение на граѓаните и работите водат кон предвремени парламентарни избори. Но, и да нема наскоро избори за Собранието, постои и опција за ново парламентарно мнозинство, а тоа значи пад на власта на Заев, додаде Апасиев.

Апасиев кажа дека принципелниот став е Левица да не коалицира предизборно доколку има предвремени парламентарни избори, но можно е во некои општини да повикаат да се гласа за опозициските кандидати кои влегле во вториот круг.

Левица не коалицира, тоа е принципиелниот став. Можно е, од општина до општина, да повикаме да се гласа за опозициски кандидат, но ќе почекаме да нѐ викнат на преговори. Но, формални коалиции не верувам дека ќе има. Постизборно можно е да преговараме за коалиција во состав на влада. Сепак, има најави за ново парламентарно мнозинство, и таа опција е во игра. Но после ова нештата нема да бидат исти, изјави Апасиев.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.