Антикорупциската комисија по повеќе од половина година донесе одлука дека има судир на интереси во случајот со Калина Гривчева Старделова која е и директор на Клиниката за гастроентерохепатологија и прв човек на Лекарската комора.

Комисијата констатирајќи го судирот на интереси бара Старделова во рок од 15 дена да се откаже од една од функциите.

Значи Старделова треба да биде или само претседател на Лекарската комора или само директор.

Судирот на интереси постои бидејќи претседателот на Лекарската комора е одговорен за работата на директорите на јавните здравствени институции.

Поточно во случајов Претседателката на Лекарската комора Старделова ја цени работата на директорката на Гастро Старделова.

За овој случај претставка до Антикорупциска имаше поднесено доктор Идриз Орана. Претставката доктор Орана ја поднесе кон средината на 2019 година.

Тој неколку пати поднесуваше барање да добие информација за претставката од Антикорупциска, но оттаму имаше молк повеќе од половина година.

Кон крајот на минатата година беше побарано од одреден број делегати да Стаделова да ја одложи седницата на Собранието на Комората, но, Старделова тогаш не реагираше.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.