Државната комисија за спречување на корупцијата (ДКСК) неделава ќе донесе квартален план за првите три месеци и најпрво ќе започне со проверка на имотната состојба на претседателите на судовите.

Ова го најави денеска претседателката на ДКСК, Билјана Ивановска пред почетокот на настанот за одбележување на Неделата на интегритет и антикорупција 2020 организирана од Интернационалната стопанска комора со поддршка на Амбасадата на Кралството Холандија.

Прашана дали ги добиле имињата на судиите чија имотна состојба ќе треба да биде проверена, Ивановска рече дека сè уште немаат добиено ништо од републичкиот Судски совет.

Нас времето не гази и на следната седница се одлучивме да започнеме со прва фаза. Во првиот квартал да ги ставиме прво ќе претседателите на судовите, како еден почетен чекор. Потоа ќе видиме врз анализите на Судскиот совет ќе продолжиме понатака, изјави Ивановска.

ДКСК ќе врши проверка на имотната состојба, односно ќе се споредуваат податоците од поднесениот анкетен лист со податоците од институците за промената на имотната состојба на судиите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.