Во Соборниот храм „Свети Климент Охридски“ во Скопје денеска се одржа централната свечена божествена литургија по повод празникот Христово раѓање – Божик на која присуствуваа и вицепремиерот за економски прашања Кочо Анѓушев, министерката за правда Рената Дескоска и министерот за финансии Драган Тевдовски.

(фото: МИА)
(фото: МИА)
(фото: МИА)
(фото: МИА)
(фото: МИА)

Утрово, вицепремиерот и министер за внатрешни работи Оливер Спасовски, заедно со директорот на Комисијата за односи со верските заедници и религиозни групи Дарио Сотировски, присуствуваше на Божиќна литургија во соборниот храм „Св. Богородица“ во Гостивар, а министерот за земјоделство, шумарство и водостопанство Љупчо Николовски на литургијата во црквата „Свети Димитрија” во Крива Паланка.

Како што информираат од владината прес-служба, со присуството на своја делегација и претставници на овој свечен празничен чин, Владата на Република Македонија се придружува на прославувањето на Христовото раѓање заедно со сите православни христијани и упатува честитки по повод празникот Божик.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.