Во овој момент имаме три хеликоптери од Армијата, но функционални за гаснење на пожар се два. Армиските и полициските хеликоптери можат да летаат ноќно време, но да летаат, а не да гасат пожар, рече на денешната прес-конференција в.д. директорот на Центарот за управување со кризи (ЦУК), Стојанче Агелов, во одговор на новинарско прашање.

Полициските и армиските хеликоптери не можат да гасат пожар. За гаснење на пожар тие доаѓаат ниско над пожарот. Како со ноќни уреди тие ќе наполнат вода од некој вир, од некое мало браниче или езерце. Значи, хеиликоптерите може да летаат ноќно време, но не можат и не смеат да гаснат пожари – вели Ангелов.

Тој изјави дека полицискисте хеликоптери немаат опрема за гасење на пожари и не можат да бидат употребени.

Како што посочи Ангелов, разговарал со началникот на хеликоптерскиот сектор, односно одделение во МВР, и истите ги користат за транспорт на тешко преодни терени, ако треба да пренесат пожарникари или војници кои би гаселе на лице место, тие, како што рече, им стојат на располагање.

Авионите се наоѓаат во ДЗС и ние немаме врска со нив. Ние доколку се исправни можеме да побараме да бидат употребени, ние ги немаме и вината не е наша. Воедно и новиот директор на ДЗС ги затекна во таква состојба, тие се заглавени во бирократска процедура околу тендерот за нивен преглед, за нивен сервис и за ова повеќе инфо ќе побарате од нив, на нив не можеме да сметаме но од друга страна со нив има и одредени лимити, но хеликоптерите се попрактични затоа што во Кочани црпеа вода на еден километар далечина од браната Гратче која беше веднаш до местото на пожарот – изјави Ангелов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.