„ВМРО-ДПМНЕ уште во основачките документи се повикува на оставштината на македонското револуционерно движење од 19-тиот и 20-тиот век, особено на ВМРО како организација, што стои и името. Додека во името на СДСМ уште тогаш стоеше СКМ – Сојуз на комунистите во Македонија. И тоа се факти од кои што не треба да се бега. А, што се однесува до модерно ВМРО-ДПМНЕ ние и лани одржавме протест и тоа не само еден, на кој што силно се залагавме да не се врши историски ревизионизам и да се почитуваат делата на Гоце Делчев и на големите македонски умови од преродбата. Зошто? Затоа што СДСМ уште тогаш велеше ние ќе се согласиме дека Бугарите биле администратори во Македонија, дека Петрич и Струмица зборуваат еден ист јазик, дека тука малку дошле Бугарите како да администрираат околу Куманово и Крива Паланка како велеше нивниот врховен водач за да потоа тие да заминат и да бидат ослободители. Така што таквиот историски ревизионизам нема да дозволиме“, истакна Стефан Андоновски, секретар за меѓународна соработка во ВМРО-ДПМНЕ во гостување во емисија на телевизија 24.

Андоновски додаде дека ставот на ВМРО-ДПМНЕ е еднаков 32 години. Ставот на ВМРО-ДПМНЕ не се менува. А, ставот на СДСМ лавира на 2-3 месеци.

„Еден од пвите споменици кој што беше поставен е токму на Гоце Делчев пред Камениот мост од страна на Плоштад Македонија. Значи еден од првите споменици кој што таа Влада на ВМРО-ДПМНЕ ги поставила е на Гоце Делчев, а од другата страна е и на Даме Груев“, рече Андоновски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.