Опозициската Алтернатива на Африм Гаши, која на последните парламентарни избори во заеднички настап со Алијансата за Албанците на Зијадин Села освои 4 пратеници, ја отфрла можноста да се приклучи кон парламентарното мнозинство.

Од Алтернатива за Фокус велат дека нема никаква вистина во најавите дека партијата би можела да влезе во власта и да го зајакне парламентарното мнозинство.

Се работи за манипулација за свои интереси, нема никаква вистина во тоа – вели висок партиски функционер.

Откако Зоран Заев најави дека се преговора за окрупнување на мнозинството за 3 до 6 пратеници, генералниот секретар на владејачката БЕСА и министер за земјоделство, Аријанит Хоџа, синоќа порача дека не би имале ништо против доколку Алтернатива се приклучи кон мнозинството, иако оваа партија се формираше отцепувајќи се од БЕСА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.