Алармантно, на скопскиот аеродром нема превентива од корона вирусот, а неспособноста на Филипче и на владата ја плаќаат граѓаните. Неспособноста во секое поле се пресликува и во здравството, но тука цената е здравјето на граѓаните. Потфрла контролата и се прават недопустливи превиди на граничните премини. Доказ дека ова е така, е директорката на Клиниката за кожни болести, пуленката на министерот Филипче, Цаца Биљановска, изјави вечерва портпаролот на ВМРО-ДПМНЕ Наум Стоилковски кој додаде:

Таа влегла во државата пред 10 дена без да биде детектирано дека е заболена од корона вирусот. Значи, имаме најмалку еден случај без контрола за вирусот Ковид кој што ја има минато границата тука на Меѓународниот Аеродром во Скопје. Се сомневаме дека владата и Филипче кријат и други случаи на пропусти и заболени од корона вирусот. Властите предводени од Заев и од Филипче немаат никаква контрола и пристап кон справувањето и сопирањето на ширењето на опасниот вирус и заради тоа се потребни итни оставки, а работата да ја преземат професионалци. Оставка за Филипче, стоп за неспособната влада.“

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.