Ако не добиеме датум до октомври, тоа ќе биде точка на нашата ЕУ перспективата, изјави денеска министерот за надворешни работи Никола Димитров на заедничката прес конференција со министерот за надворешни и европски работи на Република Словачка и актуелен претседавач со Организацијата за безбедност и соработка во Европа (ОБСЕ), Мирослав Лајчак кој е во посета на Скопје.

Тој додаде дека Македонија сторила многу и дома и во поглед на решавање тешки прашања, во последните две години и дека ни претстои огромна шанса.

Успехот на земјава ќе биде важен сигнал за целито регион, дека европската врата е отворена, доколку такво нешто не се случи, тогаш тоа ќе биде точка на таа перспектива и мислам дека товарот во следните неколку месеци е на земјите членки, рече Димитров.

Лајчак вели дека земјава направила многу и дека сега на ред е ЕУ да го стори ветеното. Тој истакна дека немало земја членка што се противи на тоа Македонија да добие датум, но дека имало такви кои се противеле за Албанија. Тој порача земјата да продолжи со реформите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.