Украина и народот заслужуваат да се членки на ЕУ. Загрижени сме, ова е ужас, голем број информатичари што ги знаеме од таму се мобилизирани во војната. Луѓето преку ноќ стануваат војници, вели министерот за локална самоуправа, Горан Милевски во емисијата „Само вистина“.

Според него, оваа криза ќе потрае, како и пост-воениот ефект.

Ултиматумот за предавање на градот Мариупол е како во 1945 година. Војната ќе потрае, обновата и нормалата нема да бидат скоро, иако некои анализи викаат дека ќе заврши во мај. Драго ми е што ние како држава сме на вистинската страна и ја подджуваме Украина, рече Милевски.

Тој додаде дека рускиот амбасадор во Македонија, Сергеј Баздникин треба сам да си замине од земјава.

Да ја осуди агресијата на нивната влада. Не мислам дека целиот руски народ е за инвазија. Ако има грам совест, сам треба да ја напушти функцијата. Нашата сестринска партија од Русија е против војната и собира потписи. Имаме поддршка од рускиот народ за осуда на ова злосторство. Протерувањето на амбасадор е од либерална гледна точка. Средбата на пратеници со такви луѓе и поддршка е за секаква осуда. Навистина таа пропаганда преку Спутник на Балканот си има свое влијание, потенцира Милевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.