Ние како Коалиција Алијанса за Албанците и Алтернатива имаме став за резолуцијата предложена од ВМРО-ДПМНЕ, но тој официјално ќе биде соопштен утре, рече денеска портпаролот на Коалицијата, Шефик Дураку.

Ние како албанска опозиција односно коалиција Алијанса за Албанците и Алтернатива сигурно дека ќе имаме став за оваа работа, бидејќи сме еден многу битен политички фактор во државата, но знаете дека нашиот претседател Зијадин Села беше на едно патување во Америка и се врати пред два дена – рече Дураку на прес-конференција во одговор на новинарско прашање.

Тој додаде дека ставот ќе биде официјално соопштен утре од нивните претставници.

Најверојатно утре ќе го соопштиме нашиот став, дали тоа ќе биде од претседателот на Коалицијата или некој од пратениците, но денеска не би можел ништо да кажам за ова – додаде Дураку.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.