Откако утрово со решение на Министерствто за култура, беше сменета од функцијата в.д директор на театар „Комедија“, Нора Шаќири Марковиќ попладнево се огласи на социјалните мрежи. Вели има обврска пред себе и пред сите да образложи под какви околности денеска е разрешена.

Никој не е роден директор, не сум ни јас, но не е секој спремен да влезе во кал, а од тоа да нема лична корист. Јас бев спремна и театар „Комедија“ се издигна над сите црни облаци кои го надвајсаа, вели таа.   ИЗДИГНА НАД СИТЕ ЦРНИ ОБЛАЦИ КОИ ГО НАДВЈАСАА

Ќе бидам кратка и јасна: 

Како директор поведов дисциплинска постапка за вработен кој без никакво образложение, без слободни денови, по завршувањето на колективниот одмор замина на патување и истото го поткрепи со фотографии и за истото се изјасни пред комисијата која го донесе решението за дисциплинска казна дека е виновен и казната ја прифати.
По анонимна пријава за мобинг пратена до заменик-претседателот на Владата за борба против корупцијата и криминал, одржлив развој и човечки ресурси, министерот Љупчо Николовски, во театарот дојде вонреден инспекциски надзор односно Државниот инспекторат за труд, кој донесе записник во кој се наведува дека Инспекторатот на труд не може да донесе инспекциска мерка врз основа на член 22 и 23 од Закон за спречување на корупција и судир на интереси и предметот ќе биде испратен до ДКСК како надлежен орган. Во однос на ова сакам да ве известам дека до овој момент од ДКСК ништо не е пристигнато, па по тој основ решението за мое разрешување е неосновано и дека во институцијата не е стигната никаква пријава за вршење на мобинг од мене кон вработен, објаснува Шаќири Марковиќ.

Она што е моја гордост, додава, е тоа дека работев согласно закон, дека ја имам безресервната поддршка од сите мои колеги, се изборив театарот да се врати во полн сјај без долгови, со три нови претстави, со прекрасен репертоар и неколку фестивали од кои два во продукција на театарот.

Намерата е јасна, делата зборуваат за сите нас
ГОРДА СУМ НА СЕ ДО СЕГА НАПРАВЕНО
ГОРДА СУМ НА ТОА ДЕКА КОНЕЧНО ВО ТЕАТАРОТ СЕ ВРАТИ КОМУНИКАЦИЈАТА, РАЗБИРАЊЕТО И ПОЧИТТА МЕЃУ ВРАБОТЕНИТЕ
Судете сами дали недоаѓањето на работно место е казниво за раководното лице или за лицето кое не се појавува на работното место без образложение..
Благодарам на сите мои колеги за поддршката и вербата во мене, за заедништвото да го вратиме ТЕАТАР КОМЕДИЈА ВО ПОЛН СЈАЈ
Во театар комедија се ширеше љубов, а не омраза
Ви благодарам и на останатите за поддршката, порачува таа.

Министерката за култура, Ирена Стефоска, донесе одлука за престанок на мандатот на в.д. директорката, по добиениот Извештај од Државниот инспекторат за труд. На нејзино место е поставена Магдалена Ризова Черних.

Вработените во театарот, пак, попладнево соопштија дека не се согласуваат со одлуките на Министерството за култура:

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.