„Сестра“ – дебитанскиот долгометражен филм на младата режисерка Дина Дума, во продукција на Лист продукција ја освои престижната Специјална награда од жирито во програмата „Источно од Западот“ (East of the West) на 55. издание на Карлови Вари.

Како што соопштија од Агенцијата за филм, фестивалот во Карлови Вари е најголемиот фестивал во Република Чешка и најпрестижен во Централна и Источна Европа, и е еден од најстарите филмски фестивали заедно со фестивалите во Кан, Верлин, Венеција, Локарно, и Сан Себастијан.

„Сестра“ е приказна за две тинејџерки чие пријателство е ставено на тест, кога тие се соочени со последиците од нивното декадентно однесување.

Главните улоги ги толкуваат Антонија Белазелкоска и Миа Жиро. Продуцент на филмот е Марија Димитрова, сценариото го потпишуваат Дина Дума и Мартин Иванов, кинематографер е Наум Доксевски.Монтажата ја отпишува Мартин Иванов, сценографијата е на Кирил Спасевски и Симо Бранов, костимите се на Роза Трајческа Ристовска, шминката на Жанета Димитриевска, автор на музиката е Игор Василев – Новоградска, а на дизајнот на звукот Ристо Алчинов.

„Сестра“ е поддржан од Агенцијата за филм во 2017 година и е регионална копродукција помеѓу Македонија, Црна Гора и Косово.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.