Во Париз на 74-годишна возраст почина српскиот режисер и сценарист Горан Паскаљевиќ.

Паскаљевиќ дипломирал филмска режија на Прашката академија.

Режираше многу документарни филмови и ТВ драми, а својот прв игран филм „Чуварот на плажата во зима” го сними во 1976 година.

Има снимено над 30 документарни филмови и 13 играни филмови.

Меѓу добро познатите филмови на Паскаљевиќ се: „Специјален третман”, „Лажливо лето 68″, „Буре барут”, „Танго Аргентино”, „Ангел чувар”…

Добитник е на многу престижни награди, вклучувајќи ја и наградата на критичари за најдобар европски филм во 1998 година за „Буре барут” и наградата во Сан Себастијан во 1990 година за филмот „Време на чуда”.

Списанието „Варајети” го прогласи за еден од петте најдобри режисери на годината во 2001 година.

Одликуван беше со Француски орден за уметност и литература.

Тој е првиот филмски режисер што ја доби наградата „Бернард Вики Мост” за хуманизам во своите дела во Минхен во 2002 година.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.